Këngëtarja e njohur, Dafina Zeqiri, ka publikuar pak kohë më parë disa imazhe të shkëputura nga kopertina e albumit të saj më të ri, I qujatur “Dafinë Moj”. Ajo shfaqet në një fushë me dele, teksa mban në duar një qengj të vogël. Koncepti që qëndron në themel të fotografisë e ka bazën në dashurinë sublime që çdo nënë ka për fëmijën e saj. Enca ka shfrytëzuar këtë situatë për të vënë në lojë me humor kolegen e saj, mirpo qëllimi nuk është aspak dashakeq. Me anë të një fotoje në instastory këngëtarja shfaqet duke pozuar me një qengj në krah, pak a shumë në të njëjtin pozicion si Dafina në koopertinën e albumit. “Foto për albumin tim ‘Encë moj’”, ka shkruar Enca me shaka përmbi foto dhe ka etiketuar Dafinën. Kuptohet qartë që e gjitha është një shaka pasi dyshja jo vetëm që mbajnë një marrëdhenie korrekte me njera tjetrën por edhe janë mike të ngushta.