Avokati i Elon Musk ka zbuluar së fundmi se ai nuk do të dëshmojë në gjyqin midis Johnny Depp dhe Amber Heard. Avokati Alex Spiro, konfirmoi se shefi i Teslas nuk do të mbajë qëndrim pavarësisht se është listuar si dëshmitar. Miliarderi fillimisht u rendit si dëshmitar i mundshëm për Heard në dosjet paragjyqësore për rastin. Ylli i “Pirates of the Caribbean” ngriti një padi kundrejt Heard pasi aktorja shkroi një opinion në vitin 2018 duke thënë se ishte ‘një figurë publike që përfaqësonte abuzimin në familje’. Ajo nuk e përmendi emrin e Depp, por avokatët e tij argumentojnë se kjo është një referencë për aktorin, pasi ajo ka pretenduar më parë se ai ishte i dhunshëm fizikisht ndaj saj gjatë martesës së tyre. Ndërkohë, as aktori James Franco nuk do të dëshmojë në gjyq.