Ekspertët druhen se Rusia mund të kthejë në armë virusin vdekjeprurës të Ebolës si pjesë e një projekti katastrofik armësh biologjike, shkruan shtypi britanik. Sipas këtij të fundit, besohet se pikërisht njësia 68240 e agjencisë ruse të inteligjencës, FSB – e cila është lidhur dhe me helmimet me Novichok në Salisbury- qëndron edhe pas programit të koduar Toledo. Thuhet se kjo njësi po studion si Ebolad, ashtu edhe virusin akoma më vdekjeprurës, Marburg. Këto sëmundje kanë shkaktuar epidemi të tmerrshme e kush preket prej tyre, pëson dëmtim të organeve dhe hemoragji të brendshme. Një ish agjent i inteligjencës ushtarake në Mbretërinë e Bashkuar thotë se Moska mund të jetë duke shkuar përtej studimit të sëmundjeve dhe po shqyrton se si t'i kthejë ato në armë përmes programit Toledo. Toledo është një qytet i Spanjës I shkatërruar dikur nga murtaja. Një qytet në Ohajo që perjetoi një shpërthim të madh gripi në 1918 gjithashtu ndan të njëjtin emër. Hetues nga organizata jofitimprurëse OpenFacto thonë se ata kanë zbuluar se Ministria Ruse e Mbrojtjes ka një njësi sekrete të quajtur Instituti i 48-të Qendror i Kërkimit i cili është duke studiuar patogjenë 'të rrallë dhe vdekjeprurës'. Thuhet se ky institute është ai që furnizon me të dhëna FSB 68240, e cila po drejton programin e Toledo.