Donald Trump është gati të lehtësojë kufizimet mbi marihuanën, duke e klasifikuar atë ndër drogat "më pak të rrezikshme". Presidenti po shqyrton mundësinë e riklasifikimit të marihuanës për të rifilluar kështu procesin e nisur, por jo të përfunduar, nga paraardhësi i tij Joe Biden. Ky veprim nxitet vetëm nga interesi në sektor, studimet mbi përdorimin e kanabisit për qëllime terapeutike, por mbi të gjitha nga presioni nga financuesit. Pas veprimeve në industrinë e kriptomonedhave, shumë kompani të marihuanës që kanë kontribuar me shuma të konsiderueshme në fushatën zgjedhore të Trump, tani po shtyjnë për një ndryshim drejtimi. Në një mbledhje fondesh në javët e fundit në klubin e tij të golfit në Neë Jersey, Trump shprehu gatishmëri për të ndërmarrë veprime me disa investitorë që duan zgjerim të kërkimeve mbi kanabisin mjekësor. Që kur hyri në Shtëpinë e Bardhë, Trump deri më tani ka bërë pak për industrinë e kanabisit ndërkohë që një anketë është kryer mes republikanëve për të parë nëse edhe konservatorët janë në favor të riklasifikimit të marihuanës si një drogë "më pak e rrezikshme".