Shoqata Ndërkombëtare e Transportit Ajror ka publikuar raportin e saj të përvitshëm, i cili konfirmon se Shtetet e Bashkuara të amerikës janë tregu më i madh i aviacionit në botë, me 876 milionë pasagjerë të regjistruar në vitin 2024, kryesisht në fluturimet brenda vendit. Shifra është katër herë më e lartë se ajo e indisë, që është vendi më i populluar në botë dhe tregu i pestë më i madh i aviacionit. Kina renditet menjëherë pas Shteteve të Bashkuara në vendin e dytë, me 741 milionë pasagjerë në vitin 2024. Britania e Madhe është një komb ishullor jo fort i madh në përmasa, por është tregu numër 3 i aviacionit në botë, me 261 milionë pasagjerë që fluturuan në vitin 2024. Dhe shumë prej këtyre britanikëve do të kenë shkuar në Spanjë me avionë, një vend të preferuar për pushime, i cili është tregu nr. 4 i aviacionit, me 241 milionë pasagjerë vitin e kaluar.