Pas gati pesë muajsh në bordin e Stacionit Ndërkombëtar Hapësinor, një ekuipazh ndërkombëtar prej katër astronautësh zbriti në Tokë në bordin e një kapsule SpaceX. Astronautët amerikanë Anne McClain dhe Nichole Ayers, Takuya Onishi i Japonisë dhe kozmonauti rus Kirill Peskov qëndruan për më shumë se 17 orë në kapsulë përpara se të zbrisnin në brigjet e Kalifornisë në orën 15:33 minuta të së shtunës. Kthimi i tyre shënon fundin e misionit të 10-të të rotacionit të ekuipazhit në stacionin hapësinor në kuadër të Programit të Ekuipazhit komercial të NASA-s, i cili u krijua për të pasuar epokën e Anijeve Hapësinore në bashkëpunim me industrinë private. Kapsula Dragon e kompanisë SpaceX të miliarderit Elon Musk u shkëput nga Stacioni Ndërkombëtar Hapësinor në orën 22:15 të së premtes. Rënia e kapsulës në Tokë u ngadalësua kur ajo rihyri në atmosferë dhe më pas, parashuta të mëdha zbutën uljen e saj. Pasi kapsula ra ajo u rikuperua nga një mjet i Space X.