Mbi një milliard euro fonde ndërkombëtare nuk po shfrytëzohen nga Kosova prej më shumë se një viti, si peng I aprovimit nga Kuvendi. Mungesa e insitucioneve, solli mospërfitimin e 882 milionë eurove nga Plani për Reforma dhe Rritje i Bashkimit Evropian (BE) dhe të mbi 120 milionë eurove të tjera nga tri marrëveshje me Asociacionin Ndërkombëtar për Zhvillim (ANZH) të Bankës Botërore. Afati për hyrjen në fuqi të marrëveshjes që parashikon financimin e politikës zhvillimore për efektivitetin fiskal, konkurrueshmërinë dhe rritjen e gjelbër, është 13 shkurti i vitit 2026, është paralajmëruar nga Banka Botërore. Vonesat në krijimin e institucioneve po rrezikojnë ekonominë e vendit dhe fondet e tjera të cilat janë në pritje. Ekspertët kanë kritikuar skenën politike në vend, duke e cilësuar si të papërgjegjshme qasjen e pozitës dhe opozitës ndaj moskrijimit të institucioneve. Nga Plani i Rritjes së BE-së për Ballkanin Perëndimor, ndaj Kosovës janë përcaktuar rreth 882 milionë euro, për të cilat Kosova ka miratuar agjendën e reformave.