Një tjetër minatory humb jetën në minierën e Bulqizës, pasi atij që mbeti i plagosur të hënën thuajse në të njëjtën galeri. Pasditja e kësaj të premteje ka qenë e zezë për familjen Alla, pasi djali i tyre i vetëm Elti humbi jetën fatalisht në moshën 27 vjecare në galeritë e Bulqizës. Autoritetet bëjnë me dije se viktima është Elti Alla, banues në Bulqizë. Mësohet se në momentin kur ka ndodhur ngjarja e rëndë, 27 vjeçari ka qenë duke kryer kontrolle rutinë në frontin e punës. Në vetëm pak sekonda është rrëzuar katrorja, e cila shërben për mbajtjen e tavanit të galerisë. Në këtë menyrë një masiv gurësh ka rënë mbi trupin e 27 vjeçarit duke i shkaktuar atij vdekjen e menjëhershme. Grupi hetimor ishte në vendngjarje dhe kreu veprimet hetimore për zbardhjen e plotë shkaqeve ngjarjes. Por ndërkohë kjo ngjarje rikthen edhe njëherë debatin për sigurinë në miniera, e sidomos në galeritë e firmave të ndryshme private. Pavarësisht disa ndërhyrjeve të instancave shtetërore ka qenë thuajse e pamundur të ndalen tragjedi të tillë, duke shkaktuar shumë viktima, të paktën në harkun kohor të dekadës së fundit.