Janë 397 rastet e reja të koronavirusit në itali. Sipas mbrojtjes civile, kanë shënuar rënie të mëtejshme shtrimet në spital, nën kuotën 8 mijë dhe në terapitë intensive, 20 më pak krahasuar me një ditë më parë. Ndërsa viktimat e raportuara të martën janë 78, e kjo është shifra më e ulët që nga 2 marsi. Në lombardi ka shënuar rënie edhe numri i personave që aktualisht janë pozitiv me 738 më pak në një total prej 24447 ndërsa 59 janë rastet e reja në mbi 9 mijë tamponë të kryer. Numri më i lartë i rasteve të reja në lombardi është regjistruar në milano, me 38 persona që kanë rezultuar atje pozitivë. E ndërsa shifrat vazhdojnë në ulje, ajo që po diskutohet më shumë në vend është hapja e kufijve të vendit. Por, kufijtë në veri rrezikojnë të vonojnë të hapen për shkak të situatës në lombardi ku me rreth 25 mijë raste akoma aktivë, hezitimi është i madh. Për sa i takon shkollës, ministri i shëndetësisë, roberto speranza, thotë se ajo do të fillojë në shtator për të gjithë. “Edhe unë jam baba i dy fëmijëve që duan të përqafojnë shokët dhe mësuesit, por është dashur të bëjmë zgjedhje. Tani po punojmë për rihapjen e shkollave në shtator, në siguri të plotë”, tha speranza.