Qindra persona u mblodhën në një park në shba, të armatosur me shufra sfungjeri, për të marrë pjesë në një betejë miqësore për të drejtën për të përdorur emrin Josh. Prillin e kaluar, një student në arizona, Josh Swain, 22 vjec, me shaka, i dërgoi mesazh dhjetëra personave që kishin të njëjtin emër me të, duke i sfiduar me një duel. Nisma, u bë virale online. Një vit më vonë, me dhjetëra njerëz të quajtur Josh, u mblodhën në Lincoln, në Nebraska, për të luftuar me njëri tjetrin për emrin josh. Eventi nisi me një duel epik me guri letra dhe gërshëra, mes organizatorit Josh Sëain dhe një tjetër Josh Sëaini nga Omaha. Joshi i arizonës e fitoi përballjen. Më pas, u hap beteja me shufrat e sfungjerit, për të gjithë xhoshët. Dhjetëra prej tyre, nisën të godsnin njëri tjetrin ndërsa një turmë e madhe mbështetësish i ndiqte me tifozllëk. Në fund, një katër vjecar, josh Vinson Jr, i quajtur Xhoshi i Vogël, u kurorëzua fitues. Ai mori një kurorë të Burger Kingut, një rrip kampioni dhe një trofe të vogël. Eventi ia doli të mblidhte ndërkohë edhe mbi 8 mijë dollarë për një spital fëmijësh aty pranë. Ideja për eventin lindi në prill 2020 kur Sëain, i mërzitur nga pandemia, nisi një mesazh në grup, për të gjithë joshët që mundi të gjente në facebook. Ai sfidoi adashët në një duel që edhe do të vendoste se kush do të mbante emrin.