David Beckham ka thyer karantinën duke udhëtuar nga Britania e Madhe për në Shtetet e Bashkuara të Amerikës. Sipas medias britanike “Daily Mail”, David Beckham me gjithë familjen e tij ka udhëtuar në mënyrë sekrete në Majemi të SHBA, për të festuar Vitin e Ri. Në këtë mënyrë legjenda e futbollit anglez nuk ka respektuar rregullat e vendosura së fundmi nga Mbretëria e Bashkuar. Për t’iu shmangur rregullave të karantinës, sipas kufizimeve të reja anti-COVID, Bekham ka zgjedhur të udhëtojë mbrëmjen e Krishtlindjes me një fluturim privat. Çifti Bekham, së bashku me fëmijët Bruklin, 21-vjeçar, Romeo 18-vjeçar, Cruz 15-vjeçare dhe Harper 9-vjeçar, kaluan fillimin e Vitit të Ri në rezidencën familjare të së dashurës së djalit të tyre të madh, Nikola Peltz, në Majemi, vajzës së një biznesmeni amerikan.