Me shkurtimin e kohës - deri në 30 minuta për vajtje-ardhje - do të zvogëlohet edhe çmimi i biletave. Aktualisht, çmimi mestar i një bilete me një drejtim nga Kosova për në të gjitha vendet e BE-së është 140 euro. Me shkurtimin e fluturimit, ky çmim mund të bjerë deri në 6 për qind, apo 8 euro më pak. Që nga paslufta, më 1999, fluturimet nga dhe në Aeroportin Ndërkombëtar të Prishtinës realizohen vetëm përmes korridorit ajror që lidh Kosovën me Maqedoninë e Veriut. Sipas zyrtarëve kosovarë, korridori ajror me shqipërinë do ta bëjë aeroportin e prishtinës më konkurues në rajon dhe më joshës për kompanitë ajrore, për shkak të kostos më të ulët të operimit. Por, kosova sipas tyre duhet të hapë korridor ajror edhe me malin e zi, për shkak të pozitës gjeografike që ka ky vend. Madje, korridori me Malin e zi vlerësohet akoma më i rëndësishëm se ai me shqipërinë, pasi vendi kufizohet me pjesën veriperëndimore të Kosovës, në drejtimin e gjermanisë dhe zvicrës, që janë edhe destinacionet më të frekuentuara ajrore. Korridori ajror me Serbinë, vend tjetër me të cilin kufizohet Kosova, është pezulluar qysh pas luftës, më 1999.