Top News – Audicioni i dështuar i aktores /Jennifer Lawrence rrëfen se ishte refuzuar për një rol

Jennifer Lawrence ka treguar për fansat se kohë më parë i është refuzuar roli në një nga sagat më të famshme filmike. Fituesja e çmimit Oscar është e njohur me rolin e saj në “The Hunger Games”, por para se ta merrte atë rol, ajo u përpoq të ishte pjesë e sagës “Twilight” në rolin kryesor të Bella Swan. Aktorja hollivudiane mendonte se ishte e përshtashme për rolin, por skenaristët nuk mund ta imagjinonin atë në rolin kryesor. “Nuk mora as telefonatë, por jeta ime do të kishte qenë krejtësisht ndryshe. Një vit më vonë mora një rol në ‘The Hunger Games’”, ka rrëfyer aktorja. Mirëpo, Lawrence nuk ishte opsioni i vetëm për rolin e Katniss Everdeen në “The Hunger Games”. Përveç saj, për këtë rol luftuan Shailene Woodley, Emma Roberts dhe Emily Browning.