Stilisti italian i modës Valentino Garavani, i njohur si Valentino, ka ndërruar jetë në moshën 93-vjeçare. Një nga gjigantët e modës së shekullit të 20-të, krijimet e Valentino-s u veshën nga personazhe të famshëm dhe figura të njohura, përfshirë Elizabeth Taylor, Nancy Reagan, Sharon Stone, Julia Roberts etj. Ai bashkëthemeloi shtëpinë e modës Valentino në vitin 1960 dhe u rendit përkrah Giorgio Armani-t dhe Karl Lagerfeld në krye të profesionit. Në një deklaratë të postuar në Instagram, Fondacioni Valentino Garavani dhe Giancarlo Giammetti tha: “Ai ndërroi jetë në paqe në shtëpinë e tij në Romë, i rrethuar nga dashuria e familjes së tij.” Shërbimi mortor i Valentinos do të mbahet të të marten në Bazilikën e Shën Marisë së Engjëjve dhe Martirëve, tha fondacioni. I lindur në Lombardi në maj të vitit 1932, Valentino ishte i njohur për koleksionet e tij që shfaqnin luks, pasuri dhe bollëk. Ai u transferua në Paris për të studiuar kur ishte vetëm 17 vjeç. Krijimi i tij i "Valentino Red" i frymëzuar nga një udhëtim në Spanjë, ndihmoi në ngritjen e markës drejt famës globale. Koleksioni i fundit të Valentino-s në vitin 2007, të gjitha modelet veshën fustane të kuq për finalen. Në dhjetor 2023, Valentino u nderua me çmimin për arritje të jashtëzakonshme në British Fashion Aëards, të cilat u mbajtën në Royal Albert Hall të Londrës .