Gjithmonë ka të reja nëse flasim për stilin e motrave Kardashian-Jenner. Së fundmi, ylli televiziv Kim Kardashian është shfaqur me një palë vathë të cilat kishin formën e një karte krediti. Vathët ishin Balenciaga dhe ndjekësit këtë radhë nuk e pëlqyen stilin e 41-vjeçares. Vathët kushtojnë 425 dollarë. Kim u shfaq me to teksa mbërriti për pjesëmarrjen në emisionin “Good Morning America” në New York. Në rrjet pati shumë komente negative ndaj modelit të vathëve që kishte vendosur Kim. Madje fansat janë sulur që ajo I ka vendosur vathët për të mbuluar pamjen e tmerrshme të flokëve të saj. Ndërkaq, së fundmi thuhet se bukuroshja ka shpenzuar 70 milionë dollarë për një pronë me katër dhoma gjumi dhe gjashtë banja, një pronë që dikur i përkiste Cindy Crawford dhe bashkëshortit të saj, Rande Gerber. Është marrëveshja më e madhe e vitit dhe shënon shitjen e katërt më të lartë në të gjithë shtetin e Kalifornisë për vitin 2022.