Një makinist është vrarë dhe të paktën 37 persona janë plagosur, pesë prej të cilëve në gjendje të rëndë, pasi një tren udhëtarësh doli nga shinat dhe u përmbys pranë Barcelonës, dy ditë pas aksidentit vdekjeprurës në të cilin dy trena u përplasën me njëri tjetrin në Spanjën jugore. Sipas zyrtarëve lokalë, të martën në mbrëmje treni Rodalies u përplas me një mur mbajtës i cili ra mbi shinat midis Gelidës dhe Sant Sadurní-t. Skuadrat e emergjencave ndërhynë shpejt dhe larguan të gjithë pasagjerët nga treni. Aksidenti ndodhi ndërsa stuhi të forta goditën spanjën verilindore, ndërsa zonat bregdetare në lindje dhe veriperëndim të spanjës janë në gatishmëri të lartë për shkak të motit. Shumë ambulanca ishin në vendngjarje duke trajtuar të plagosurit, thanë shërbimet e emergjencës. Shërbimi lokal i zjarrfikësve tha se 35 ekipe ishin dërguar në zonë dhe një pasagjer i bllokuar brenda trenit ishte shpëtuar.