Me datë 24 dhjetor ka nisur “Big Brother Vip Albania 2”, duke i kaluar të gjithë pritëshmëritë e publikut. Edhe pse ky format parashihet të zgjas rreth 3 muaj, moderatorja e programit la të hapur kohëzgjatjen e këtij edicioni. Madje gjatë mbrëmjes së të martës, Arbana me shaka u përpoq të bëj një rreng banorëve. Nga kureshtja banorët kanë pyetur se edhe sa do të zgjas aventura e tyre në Big Brother, ajo u përgjigj se do të zgjas edhe 3 muaj të tjerë. Mirëpo, Arbana më pas sqaroi se vendimi nuk është marrë akoma dhe se do u komunikohet banorëve të shtunën tjetër. Ndërkohë pasi banorët arritën që të kalonin me sukses provën siameze, në total cmimi I madh ka shkuar në 68 mijë euro. Pra deri më tani banorët nuk po luftojnë për 100 mijë euro, por për 68 mijë euro.