Një muaj pas martesës së fshehtë në Las Vegas, Jennifer Lopez dhe Ben Affleck kurorëzuan edhe një herë tjetër dashurinë e tyre, këtë herë me një ceremoni madhështore në Georgia, në prani të familjarëve, miqve të ngushtë dhe personaliteteve më të njohura të spektaklit. JLo kishte veshur me një fustan mahnitës, të realizuar nga Ralph Lauren dhe të prodhuar në Itali veçanërisht për të. Gjithashtu ajo që ka rënë në sy ka qënë ngjyra e bardhë që mbizotëronte tek veshjet e të ftuarve për t`u përshtatur me dekorimet luksoze të dasmës. Këngëtarja dhe aktori amerikan ishin fejuar 20 vite më parë, por u ndanë në vitin 2003 dhe dasma u anulua. Të gjithë fëmijët e tyre kanë qënë të pranishëm ndërsa ish-bashkëshorja e Affleck nuk ka marrë pjesë në dasmën e tij. Mungesa e vëllait të aktorit është justifikuar me arsye familjare. Në listën e të ftuarve kanë qenë miq dhe kolegë të çiftit nga bota e Hollivudit si: Matt Damon, George Clooney, Jane Fonda dhe Jimmy Kimmel.