Leonora Jakupi, përvecse një këngëtare mjaft e talentuar dhe një figurë mjaft e hijshme e showbizit, është dhe mjaft e diskutuar për veshjet e saj të shtrenjta, të cilat e kanë kthyer jo rrallëherë në subjekt të lajmeve rozë. Fakti që ajo nuk kursehet sidomos kur vjen fjala tek shfaqjet në ekran, e ka vendosur sërish në vëmendje. Leonora Jakupi ishte e ftuar së fundi në emisionin “Shiko kush luan” , u shfaq si përherë tejet e kuruar, me një fustan dhe xhaketë latex-i në ngjyrë kafe. Por ato që ranë shumë në sy ishin dhe aksesorët e këngëtares. Faqja, “What they wearin” pretendon se për këtë dalje, këngëtarja duhet të ketë shpenzuar një shifër marramendëse. Vetëm ora mendohet të ketë një cmim marramendës prej 25.400 euro për orën e saj, ndërsa vathët e markës “Louis Vuitton” mendohet të kenë kushtuar 490 euro. Leonora vetë nuk ka bërë asnjë pohim për këtë.