Në Zyrën e Prokurorisë së Specializuar në Hagë, për të tretën ditë me radhë është marrë në pyetje presidenti i Kosovës, Hashim Thaçi. Edhe në ditën e tretë të dhënies së dëshmisë, Thaci nuk është prononcuar për mediat, ndërsa burimet pranë tij thanë se ai do të jetë sërish përpara prokurorit mesditën e së enjtes. Thaçi është paraqitur në Hagë me ftesë të Prokurorit speciasl. Ka qenë pikërisht kjo zyrë që bëri të ditur se që prej 24 prillit është ngritur një aktakuzë për krime lufte dhe krime kundër njerëzimit kundër presidentit Thaçi, kryetarit të Partisë Demokratike të Kosovës, Kadri Veseli, dhe disa të tjerëve, emrat e të cilëve nuk janë bërë publikë.