Pas takimit me kryetarët dhe përfaqësuesit e subjekteve politike, në kuadër të përgatitjeve për seancën konstituive të Legjislaturës së XI-të të Kuvendit të Republikës së Kosovës, ushtruesja e detyrës së Presidentes, Albulena Haxhiu, tha se se përfaqësuesit politik u dakorduan për çështjet procedurale të seancës konstituive. Haxhiu falënderoi ata për bashkëpunimin, teksa uroi që edhe seanca konstituive që do të mbahet më 6 gusht të jetë konstruktive. Ushtruesja e detyrës së Presidentes, ka mirëpritur rezultatin e dalur nga Kuvendi i jashtëzakonshëm i LDK-së, me rizgjedhjen e Abdixhikut si kryetar, duke e cilësuar si një zhvillim që mundëson vazhdimin e takimeve ndërmjet partive për çështjen e zgjedhjes së presidentit. Në lidhje me propozimin e saj si Kryetare e Kuvendit nga Lëvizja Vetëvendosje, Haxhiu pohoi se do të hiqte dorë nga posti I ushtrueses së detyrës së Presidentes.