Motori I saj I parë 1,500 kuaj fuqi, BATU, I krijuar brenda kufijve Turqisë, kaloi me sukses provën e do të përdoret tani për tanket dhe automjete të ndryshme të blinduara. Lajmin e pohoi Shefi i Presidencës së Industrive vendase të Mbrojtjes, Ismail Demir, I cili tha se po ndërmerren hapa të vendosur drejt objektivave të vendosur në teknologjinë e motorëve. Ky I fundit do të përdoret për tankun më të rëndësishëm të betejës që ka Turqia, Altay. Bëhët fjalë për një motor 12 cilindërsh të tipit V, të ftohur me ujë dhe me njësi turbodiesel. Zyrtarët turq të mbrojtjes e kanë përsëritur vazhdimisht se motorët e blerë nga jashtë do të përdoreshin në modelet fillestare të Altay, ndërsa ata të fundit do të pajisen me motorë të fuqishëm të prodhimit vendas. Raportet ne shtypin vendas tregonin më herët se Ankaraja kishte menduar që motorët për tankët t`I blinte nga një firmë në Korenë e Jugut. Sipas tyre në muajin mars BMC, kompania turke që ndërmori projektin Altay, kishte arritur për këtë qëllim dhe një marrëveshje me dy kompani të Koresë së Jugut, Doosan Infracore Co. dhe S&T Dynamics Co.