Ekspertët e psikiatrisë forenzikë këtë të hënë kanë dhënë dëshmitë e tyre mbi gjendjen mendore të Naim Murselit dhe Granit Plavës, të akuzuar për vrasjen e Liridona Ademajt më 29 nëntor të vitit 2023. Shpend Haxhibeqiri që e ka kryer ekzaminimin e Naim Murselit, para trupit gjykues tha se i njëjti nuk ka shfaqur asnjë element të çrregullimit mendor. Këtu i jemi referuar se çrregullimi afatgjatë, prej faktikisht fëmijërisë ose kronik deri më tani, nuk janë shfaqur asnjë element i ndonjë çrregullimi, shqetësimit dhe në bazë të të shkresave të lëndës nuk na është ofruar asnjë dokument që do ta vërtetojë këtë çrregullim Në këtë seancë, Naim Murseli i akuzuar për planifikimin e vrasjes së bashkëshortes së tij, Liridona Ademajt i parashtroi pyetje ekspertit. Fillimisht u ankua për rrjedhjen në media të raportit mbi gjendjen e tij mendore e pastaj pyeti nëse e ka pranuar fajësinë gjatë ekzaminimit. Gjatë bisedave tona me juve dhe ekspertët tjerë a kam pranuar ndonjëherë fajësinë për veprën që e kam bërë, për të cilën akuzohem në fakt. Apo e kam mohuar dhe kam treguar versionin tim? Gjatë vlerësimit tonë, ne asnjëherë nuk kemi parashtruar pyetjen apo kemi bërë shtytje që i njëjti se a e ka kryer veprën apo jo… Por është e verëtetë që i njëjti ka mohuar gjatë deklarimit se ky e ka bërë veprën Në Gjykatën Themelore të Prishtinës, dëshmi ka dhënë edhe neuropsikiatri Bujar Obërtinca, i cili e ka ekzaminuar të dyshuarin tjetër për vrasje, Granit Plavën. Pas ekzaminimit, edhe Plava rezulton se është në gjendje mendore të aftë për t’u përballur me akuzat që rëndojnë mbi të, përkundër që mbrojtja pretendon se abuzimi me substancat narkotike dhe lëndimi paraprak mund t’i kenë shkaktuar crregullim mendor. Gjatë vlerësimit psikiatrik, i ekzaminuari ynë ka deklaruar se është përdorues i substancave psikoaktive të tipit të kokainës dhe alkoolit, por në kohën e vlerësimit të tij, i njëjti nuk ka manifestuar simptoma abstenenciale… Sa i përket traumës, te i njëjti nuk është identifikuar një fenomen i tillë Mbrojtja e Plavës tutje argumentoi që kafeina nga kafetë që ai ka pirë me Naim Murselin para se të kryente veprën për të cilën akuzohet mund t’i ketë ndikuar në impulsivitet.