Kantautori i njohur dhe shumë i dashur për publikun, Flori Mumajesi, prej kohësh është distancuar nga muzika dhe projektet artistike, duke mbajtur një profil të ulët edhe në rrjetet sociale. Por së fundmi, një Instastory e postuar nga ai ka ngjallur reagime dhe kureshtje, duke ndezur menjëherë spekulimet për një rikthim të mundshëm apo një mesazh personal të koduar. Në audion që ka ndarë, dëgjohet zëri i këngëtares Elvana Gjata, me të cilën Flori ka pasur bashkëpunime të suksesshme në të kaluarën. “A do t’a heqësh qafe si njeri apo e do… thuaj të drejtën tani”, dëgjohet Elvana, ndërsa një zë mashkulli i përgjigjet: “Se di”. Audio vazhdon me një pjesë nga kënga e njohur “Pa jetë”, ku thuhet: “Si mund të t’dojë dikush ty nuk e di, kur ti e hedh në plehra atë dashuri… Postimi mbyllet me një kor fëmijësh që këndojnë: “Për mua ngushëllim nuk mund të ketë…” Ky fragment ka lënë shumë të habitur fansat dhe ndjekësit e Florit, të cilët tani po pyesin nëse kjo është paralajmërim për një projekt të ri muzikor, apo një mesazh personal i mbushur me emocione.