Një 15 vjeçar ka mbetur i vrarë në Shkodër pasditen e sotme, pasi është goditur me thikë. Ngjarja e rëndë ka ndodhur rreth orës 19:30 në Fermentim, ne lagjen “Skenderbeg”. Rrethanat e ngjarjes janë ende të paqarta, por 15-vjeçari është goditur me thikë disa herë nga një person, i cili më pas është larguar nga vendi i ngjarjes. Dyshohet se viktima dhe autori, bashkëmoshatar i tij njiheshin prej kohesh dhe kishin një konflikt dhe kjo është arsyeja pse janë takuar mbrëmjen e se hënës. Pas debateve, autori ka nxjerrë thikën duke e qëlluar disa herë dhe me pas është larguar. I mituri me inicialet E.Gj është dërguar për në spital, por për shkak të plagëve të rënda ka ndërruar jetë. Policia e Shkodres, thotë në një njoftim për ngjarjen se 15-vjeçari është goditur me thikë pas një sherri për motive të dobëta dhe si pasojë e plagëve të marra ka ndërruar jetë në spital. Ndërkohë pas disa oreve kërkime policia e Shkodrës thotë se ka shoqeruar ne komisariat nje 15 vjecar tjeter si autorin e dyshuar të vrasjes. Ne momentin e shoqerimit, policia thotë se i mituri kishte një plage me thik ne pjesen e supit por pa rrezik per jeten. Uniformat blu kanë gjetur edhe thikën e përdorur për vrasjen e të miturit.