Elodie duket se ka vendosur të mos e fshehë më lidhjen e saj me balerinën shqiptare Françeska Nuredini. Këngëtarja romake ka publikuar së fundmi një seri fotosh nga pushimet e saj në Japoni, ku mes pamjeve mbresëlënëse nga vendi aziatik spikat edhe një foto intime, në të cilën ajo dhe Françeska shkëmbejnë një puthje pasionante, ndërsa përqafohen fort me njëra-tjetrën. Edhe pse prej muajsh në rrjetet sociale kanë qarkulluar foto dhe video të dyshes së bashku, kjo është hera e parë që Elodie publikon vetë një moment kaq personal, duke lënë të kuptohet se dëshiron ta bëjë publike marrëdhënien e tyre.