Sherrnaja dy mujore e bllokimit të parlamentit nga deputetët mbështetës të Sali Berishës, ia la vendin një klime bashkëpunimi mes deputetëve të Alibeajt e atyre socialist. Testi ishte ndryshimi Kodit Rrugor me amendimet e propozuara nga kreu grupit parlamentar socialist Taulant Balla e me disa amendime te tjera nga demokrati Lefter Gështenja. Nga 84 vota që kërkonin ndryshimet ato morën 101 vota. Votë pro dha edhe vetë Enkelejd Alibeaj por edhe ish aleatët e Sali Berishës, Agron Duka, Fatmir Mediu e Dash Shehi. Gjashtë votat kundra erdhën nga deputetët mbështetës të Berishës. Votimi u ndoq me vëmendje e buzëqeshje nga Edi Rama duke çuar mesazhin se edhe projektligje të ngjashme që kërkojnë 84 vota janë të votueshme për aq kohë sa gjejnë konsensusi e grupimit Aibeaj siç ndodhi në këtë seancë parlamentare Paçka se duhej një votim i thjeshtë, Projektligji për bletarinë mori 97 vota. Demokratët, bashkuan votat me kolegët e PS edhe në ndryshimet e ligjit për rrolin e parlamentit në proceset integruese ku rezultati votimit ishte 109 vota pro.