Presidentja e Kosovës, Vjosa Osmani, i cilwsoi “tw pamatura” thirrjet e Presidentit serb, Vuçiç, për luftë, qw sipas saj, janë jehonë e rrezikshme e kapitujve më të errët të historisë së kohëve të fundit. “Pavarësisht viteve të angazhimit të palodhur amerikan dhe evropian për t’ia hapur rrugën paqes afatgjatë, Vuçiç është duke i treguar botës se nuk e ka zgjedhur rrugën e pajtimit. Në vend të ndryshimit të faqes, ai dhe regjimi i tij janë duke flirtuar edhe një herë me fantazitë e njëjta destruktive, që kanë shkatërruar shumë jetë të pafajshme”. Më tej, Presidenti Vjosa Osmani thekson se qasja e homologut serb nuk është e panjohur. “Në vitet ’90, Sllobodan Millosheviç, ish-lideri jugosllav, e zgjodhi luftën si instrumentin e tij të fundit në pushtet. Ai kreu dhunë çnjerëzore në Kroaci, Bosnje-Hercegovinë dhe më pas në Kosovë, të gjitha të dokumentuara që bota t’i shohë. Përmes makinës së tij të propagandës, me Vuçiç si shef të propagandës, ai ka nxitur urrejtje, që ka çuar në vrasje sistematike, varreza masive, shkatërrim dhe izolimin më të thellë të Serbisë”. Presidentja e Kosovës thekson se Vuçiç do dështojë si Millosheviç, duke shtuar se “Kosova zgjedhur paqen dhe do ta mbrojmë me çdo kusht””.