Në imazhe shihen plazhet gjigante mesdhetare të gadishullit Karpaz në veri të Qipros, pasi njolla e naftës së një impjanti sirian është larguar nga ishulli prej erërave dhe rrymave detare. Zona i përket qeverisë së izoluar ndërkombëtarisht të Republikës Turke të Qipros, e cila njihet vetëm nga Ankaraja. Rreth 20,000 ton karburant të derdhura në det po avanconin drejt majës verilindore të ishullit. Punonjësit e emergjencave ishin përpjekur të përmbanin derdhjen duke e rrethuar me litarë nga anijet, rreth 28 kilometra para se të arrinte tokën. Zyrtarët kishin paralajmëruar se nafta mund të arrinte në gadishullin panoramik te Karpaz por fatmirësisht erërat i shtynë larg brigjeve. "Moti vazhdon të jetë në favorin tonë," tha ministri verior i turizmit Serhan Aktunc duke shtuar se zyrtarët do të mbeten vigjilentë për ndryshime të mundshme.