Pasi së bashku me motrën e saj dhunoi Klea Prengën dhe pas periudhës së arratisë prej dy muajsh, Antonela Berisha ka vendosur të rikthehet në jetën e saj normale duke rifilluar punën. Duket se Antonela ka shprehur dëshirën për të rifilluar aktivitetet e saj në biznes dhe jetën aktive, duke lënë pas ngjarjet e fundit. Miqtë, familjarët dhe bashkëpunëtorët e saj e kanë përkrahur në këtë rikthim, duke i dërguar buqeta lulesh. Antonela ka ndarë disa prej këtyre momentëve në llogarinë e saj në Instagram, ku një nga buqetat ishte e shoqëruar me mesazhin: “Mirë se u ktheve bisha”, duke reflektuar një qëndrim pozitiv dhe energjik në këtë fazë të re të jetës së saj. Pas vetëdorëzimit, Gjykata e Tiranës i caktoi Antonelës masën e sigurisë “detyrim paraqitje”, ndërsa motrës së saj, Marielës, “arrest në shtëpi”. Ngjarja ka ndodhur mbrëmjen e 6 Gushtit në një restorant në kryeqytet. Shkak mësohet se kanë qenë dyshimet e Mariela Berishës se burri i saj e tradhtonte me 24-vjeçaren. Si shenjë hakmarrje dy motrat, kanë shkuar në restorantin në kryeqytet ku ndodhej Klea Prenga dhe e kanë goditur me shishe qelqi në fytyrë. Kjo e fundit pësoi dëmtime serioze në fytyrë.