Presidentja e Kosovës, Vjosa Osmani ka dhënë detaje për takimin që kishte me presidentin e Serbisë, Aleksandar Vuçiç. Gjatë këtij takimi, Osmani tregoi se çfarë kërkoi nga Vuçiç. “I kërkova që ta largonte ushtrinë e tij nga kufiri me Kosovën. Dhe së treti, i kam kërkuar që të heqë mbështetjen ndaj këtyre bandave kriminale që po u shkaktojnë dhimbje qytetarëve të thjeshtë, veçanërisht serbëve që jetojnë në veri duke i frikësuar dhe duke ushtruar dhunë ndaj tyre. Dhe në fund, ritheksova përkushtimin e plotë të Republikës së Kosovës për të zbatuar plotësisht çdo pikë të marrëveshjes, e cila u arrit në Bruksel dhe në Ohër. Vuçiç ishte i tërbuar, siç e dini, i pëlqen të ofendojë në gjuhën e tij, por ajo që ishte e rëndësishme është se ne morëm këshillat e aleatëve tanë për këtë takim, dhe natyrisht, qëndrimet që unë shpreh në emër të Republikës së Kosovës janë të njëjta kur Vuçiqi është në dhomë dhe të njëjta kur Vuçiçi nuk është në dhomë”, tha Osmani.