Pas javë të tëra tensionesh në kufirin me Ukrainën, trupat ruse të grumbulluara atje do të tërhiqen. Mësohet se ministri rus i mbrojtjes, Sergei Shoigu ka urdhëruar një sërë njësish ushtarake në zonë që të kthehen mbrapsht në bazat e tyre. Sipas përllogaritjeve të BE-së, Moska kishte dërguar më shumë se 100.000 ushtarë në rajonet kufitare me Ukrainën dhe në Krimenë e aneksuar prej saj në vitin 2014. Duke folur pikërisht nga aty, ministri Shoigu tha se njësitë e kishin përmbushur detyrën e vet, që ishte e natyrës stërvitore, dhe tani po tërhiqen. “ Qëllimi për inspektime të befasishme, u arrit”, deklaroi ai, duke shtuar se trupat i demonstruan aftësitë e tyre për të ofruar mbrojtje të besueshme për shtetin. Sipas tij, ato do të kthehen në bazë dri në datën 1 maj. Pohimi vjen pas disa javësh tensionesh me Perëndimin për shkak të pranisë rritje të ushtrisë ruse afër Ukrainës. Ende nuk është bërë e qartë nëse urdhri për lëvizje përfshin të gjitha forcat afër kufirit. Deri në muajin qershor, më shumë se 28,000 forca nga 26 kombe janë angazhuar të kryejnë stërvitje ushtarake në më shumë se 30 zona trajnimi, në vende të ndryshme. Presidenti Vladimir Putin megjithatë ia dërgoi një ditë më parë perëndimin një mesazh, ku i bënte të qartë të mos kalojë vijat e kuqe dhe të pranojë interesat e Rusisë për sigurinë. Në rast të kundërt, tha ai, përgjigja e Moskës do të jetë „e shpejtë dhe e ashpër“.