“Kam vërtet respekt të thellë për reagimin shumë të arsyeshëm që qeveria e Kosovës dhe policia ka treguar pas provokimit në veri”, kështu u shpreh Ministri i Ushqimit dhe Bujqësisë në Gjermani, Cem Ozdemir, pas takimit që zhvilloi me kryeministrin Albin Kurti. Pas vizitës në Kosovë, që erdhi pas më shumë se një jave nga sulmi në Banjskë të Zveçanit ku mbeti i vrarë polici Afrim Bunjaku, ai përcolli qëndrimin gjerman duke theksuar se Pavarësia e Kosovës duhet të respektohet. “Është në duart tona të sigurohemi që historia të mos përsëritet. Prandaj, më lejoni të shpreh se është jashtëzakonisht e rëndësishme që rruga përpara të shkojë drejt paqes, rruga përpara të ecë drejt respektimit të kufijve, që pavarësia e Kosovës të respektohet”, ka theksuar ministri gjerman. Ndër të tjera ai shtoi se është e nevojshme të flitet për gjendjen e minoritetit serb në veri, por brenda kufijve të Kosovës, teksa shtoi se ky mbetet qëndrimi I vendit të tij. Gjatë vizitës Cem Ozdemir e konsideroi të vështirë situatën që Kosovë po kalon, pas sulmit të rëndë terrorist. Ministri gjerman vizitoi Kosovën për bashkëpunimet mes dy vendeve, por edhe në shenjë solidariteti. Pamjet: AFP