https://top-channel.tv/2024/09/18/kiara-tito-e-konfirmon-se-shp1ejti-moderatore-ne-ekranin-e-top-channel-zbulon-programin-nje-deshire-e-shprehur-vite-me-pare/ Moderatorja Kaira Tito ka konfirmuar se do të jetë nën moderimin e spektaklit më të dashur dhe më të madh të humorit, “Portokalli”, në sezonin e 42. “Jam e lumtur që për këtë sezon rikthehem me familjen e madhe të Top Channel në sezonin e 42 të Portokalli. Një dëshirë e shprehur vite më parë, e cila më në fund u realizua“, ka shkruar Kiara, e pyetur nga ndjekësit e saj në Instagram. “Portokalli” pritet të fillojë së shpejti, duke premtuar se do të mbajë të mbërthyer para ekranit çdo të diel, në orën 21:00, shqiptarët, me të qeshura të pafundme. Aktorët e dashur ishin më pranë publikut gjatë sezonit veror, duke udhëtuar në qytete të ndryshme të Shqipërisë, për të dhuruar show-n “Verë dhe portokalle”, një spektakël që u mirëprit dhe duartrokit nga publiku që mbushi sheshet.