Top Channel/ “Këlyshi i gruas së Milloshevicit”,ndihmësi i Vjosa Osmanit përplaset me ministrin serb

Duke reaguar ndaj intervistës së saj për “der Speigel”, ministri i Brendshëm i Serbisë, Aleksandar Vulin, e ofendoi presidenten e Kosovës, Vjosa Osmanie cila kishte folur aty për genocidin serb ndaj shqiptarëve në vitin 1999 duke thënë se “ pret që Serbia të gjunjëzohet”. Mediat serbe thonë se Vulin i është përgjigjur Osmanit duke thënë se përsa kohë në krye është Aleksandar Vucic, vendi i tij nuk do të gjunjëzohet ashtu sic pret ajo. Më tej, ministri kaloi në fyerje. “Nëse Osmani do të kishte fytyrë, siç e ka stomak për gënjeshtrat që thotë, ajo do të gjunjëzohej për një kohë të gjatë para ‘shtëpisë së verdhë’ dhe serbëve të vrarë për trafik organesh…”, ka deklaruar ai.