Parashqevi Simaku u rikthye në publik këtë dhjetor 2024 pas pothuajse 30 vitesh jashtë syrit të medias dhe larg publikut. Edhe pse ndoshta nuk ishte mënyra sesi ajo do të donte të rikthehej, e ndoshta as publiku që aq shumë e do nuk do kishte preferuar ta rishihte kështu, por me rëndësi është që ajo është mirë e tashmë mes miq që po përpiqen t’i qëndrojnë pranë, ta dëgjojnë dhe ta ndihmojnë. Ishte biznesmeni Elton Iliriani i cili pas publikimit të videove në rrjete sociale së bashku me një zonjë që e takoi në stacionin e trenit, ra në kontakt me të dhe pasi e takoi, vendosi që ta merrte dhe ta strehonte për disa kohë në një hotel. Ai u vu dhe në kontakt me familjarët e saj në Shqipëri duke i siguruar se tashmë është mirë dhe se do të jetë ai që do të kujdeset për të që çdo gjë të shkojë më së miri dhe që Diva e skenës shqiptare të ringrihet në nivelet që publiku shqiptar e njohu dhe e deshi. Një lajm fantastik që ai ka dhënë përmes rrjeteve sociale sot, ishte se ka gjetur kontaktet e djalin e saj dhe shumë shpejt do ta takojnë, të cilin thotë se këngëtarja ka 8 vite që pret ta takojë. “Pavarësisht çdo zhurme, mendoj se kam gjetur djalin e Divës. Zoti është i madh. Djali është e vetmja shpresë. Falënderoj një shoqe të mrekullueshme që e dua shumë. Do e gjejmë Luke o bukuri e Shqipërisë. Parashqevia ka mbi 8 vjet që fle jashtë duke pritur djalin te stacioni i trenit”, shkruan Elton Ilirjani.