Një sfidë e re në shtëpinë e Big Brother VIP 5 ka vënë në provë jo vetëm durimin, por edhe marrëdhëniet mes banorëve, duke krijuar një nga momentet më të tensionuara të javës. Për herë të parë, konkurrentët u ndanë në çifte dhe u detyruan të qëndronin të veshur me të njëjtën bluzë për pesë orë. Sfida kërkonte bashkëpunim maksimal, pasi gjatë saj ata duhej të gatuanin, të kujdeseshin për njëri-tjetrin, të zgjidhnin një puzzle dhe në fund të prezantonin një orë përpara publikut. Por gjithçka mori një kthesë të papritur në momentin final. Kur erdhi radha e prezantimit, Selin vendosi të thyejë rregullat e lojës. Ajo hoqi bluzën e përbashkët dhe doli e vetme për të prezantuar orën, duke lënë pa fjalë banorët e tjerë dhe duke prishur dinamikën e sfidës. Vendimi i saj erdhi me një deklaratë ku u shpreh se nuk do ta lejonte që Rogerti të fitonte përballë saj. Gjatë Prime-t, mamaja e Selin i ka kërkuar banores që të largohet nga shtëpia më e famshme në Shqipëri, “Big Brother VIP 5”. Ndërkohë banorja u rikthye në shtëpinë e “Big Brother VIP”, ku dha edhe përgjigjen e saj për të vijuar garën, finalja e së cilës është më 18 prill.