Princi Harry i Britanisë së Madhe, bashkëshortja e tij Meghan dhe nëna e saj u përfshinë në një ndjekje pothuajse katastrofike me makinë, nga paparacët në qytetin e Nju Jorkut, sipas CBC News. Kjo ndodhi pas ceremonisë së ndarjes së çmimeve në sallën Ziegfeld Ballroom në Midtown. Çifti sapo kishte marrë pjesë në aktiviteti gala i Fondacionit për 50 vjetorin e grave, që nderoi Meghan. Kjo ndodhi pasi çifti dhe nëna e Meghan, Doria Ragland, u larguan nga ceremonia. “Kjo ndjekje e pamëshirshme, që zgjati mbi dy orë, rezultoi në përplasje të shumta që përfshinin drejtues të tjerë në rrugë, këmbësorë dhe dy oficerë të Departamentit të Policisë së qytetit të Nju Jorkut. Ndonëse të qenit personazh publik shoqërohet me një nivel interesimi nga publiku, kjo nuk duhet të arrihet kurrë në dëm të sigurisë së dikujt tjetër.