Fituesi i edicionit të katërt të “Big Brother VIP”, Gjesti, përmes një postimi në rrjetet sociale, falënderon ndjekësit për dashurinë dhe përkrahjen që ka marrë gjatë dhe pas eksperiencës në shtëpinë më të famshme në Shqipëri. “Po dal prej një eksperience që nuk kam me e harru kurrë”, thotë këngëtari, që u shpreh i bekuar dhe theksoi se çdo mesazh dhe mbështetje që ka marrë i ka prekur zemrën. “S’e kam ditur që jashtë atyre mureve ka për të më pritur me kaq shumë dashuri. Jam duke u ndjerë shume i bekuar. Faleminderit për të gjitha mesazhet, dashurinë dhe përkrahjen që më keni dhënë. Jam shumë mirënjohës edhe ju dua pafund”. Në fund të mesazhit, këngëtari pejan la të kuptohej se është gati për një fillim të ri, duke premtuar se nuk do ta harrojë kurrë dashurinë e treguar ndaj tij. Ky reagim emocional vjen vetëm pak ditë pas fitores së tij në BBVA4, një nga sezonet më të ndjekura dhe më të komentuara, ku Gjesti rrëmbeu çmimin e madh prej 100 mijë eurosh dhe zemrat e mijëra shqiptarëve.