Dy vajza kanë humbur jetën dhe tre të tjerë janë plagosur, pasi një makinë ra sipër një makine tjetër këtë të enjte, në mbikalimin e Saukut në kryeqytet. Aksidenti ka ndodhur rreth orës 18:05, kur shtetasi me iniciale Q.K. ka humbur drejtimin e mjetit, duke rënë nga mbikalimi mbi kofanon e një automjeti tjetër. Policia njofton se kanë humbur jetën dy shtetase femra dhe janë dërguar në spital për ndihmë mjekësore shtetasit Q K., O. K., dhe K. R.