Me tërheqjen e trupave të huaja nga Afganistani, talebanët kanë marrë krahë e kanë nisur një ofensivë që sic thonë, do t`i sjellë shumë shpejt kontrollin e vendit. Frika është e madhe se Afghanistani mund të zhytet në kaos, e në këtë situatë, presidenti turk Rexhep Tajip Erdogan u ofrua të ndihmojë. Ai tha se Turqia mund të garantojë sigurinë e aeroportit të Kabulit, por për këtë kërkoi mbështetje financiare, logjistike dhe diplomatike nga Shtetet e Bashkuara të Amerikës. Erdogan tha gjatë një vizite në Qipro se pavarësisht kërcënimit taleban, Ankaraja mund ta kryejë këtë mision përsa kohë Washingtoni siguron mbështetjen e tij.