Mbrëmjen e sotme, në shtëpinë më të famshme në Shqipëri, “Big Brother VIP 5” do të organizohet dasma mes Brikenës dhe Mateos. Ceremonia u konfirmua përmes një zarfi të bardhë të mbërritur mëngjesin e kësaj të hëne. E mesa duket edhe kjo dasmë e dytë e këtij edicioni të pestë të reality show-t nuk do të kalojë qetë, pa tensione. Ndërkohë Rogert është shprehur se edhe pse është ftuar në dasmë ai do e prishi atë duke mbajtur një fjalim gjatë ceremonisë. Debati mes tyre ka vijuar me tone edhe më të forta, duke shtuar dyshimet se situata mund të dalë jashtë kontrollit gjatë mbrëmjes. Nga ana tjetër, Mateo është shfaqur i vendosur, duke e kundërshtuar hapur këtë ide dhe duke lënë të kuptohet se nuk do ta lejojë një ndërhyrje të tillë gjatë ceremonisë. Rogerti ka pasur shpesh debate me çiftin për marrëdhënien që ata kanë krijuar në shtëpinë e “Big Borther VIP 5”, duke i akuzuar se ata nuk kanë ndjenja për njëri-tjetrin thjesht po e përdorin për të arritur në finale. Gjithashtu edhe Juela është një nga banoret që i ka akuzuar çiftin se ata nuk kanë ndjenja, por që lidhjen e tyre e përdorin për show edhe për të shkuar në finale.