Njëzet e pesë vjet pasi Marrëveshja Kornizë e Ohrit i dha fund konfliktit të vitit 2001 në Maqedoninë e Veriut, vende ende pwrballet me ende po përballet me trashëgiminë e konfliktit të saj etnik. Konflikti gjashtëmujor që shpërtheu në shkurt të vitit 2001 shpesh përshkruhet si kapitulli i fundit i shpërbërjes së dhunshme të Jugosllavisë. Por, ndryshe nga luftërat në Kroaci, Bosnjë dhe Hercegovinë dhe në Kosovë, ai u ndal përpara se të shndërrohej në një tragjedi më të madhe, kryesisht falë një kompromisi politik të ndërmjetësuar nga NATO-ja, Shtetet e Bashkuara të Amerikës dhe vendet kryesore të Bashkimit Evropian, kujton DW. Një çerek shekulli më vonë, rendi politik i krijuar nga Marrëveshja Kornizë e Ohrit po hyn në një fazë të re. Pas rikthimit në pushtet të partisë konservatore VMRO-DPMNE dy vjet më parë, Bashkimi Demokratik për Integrim (BDI), partia kryesore shqiptare, kaloi në opozitë. Ky zhvillim u dha fund dy dekadave të ndikimit qeverisës të Ali Ahmetit, i cili nga udhëheqës i Ushtrisë Çlirimtare Kombëtare (UÇK) gjatë konfliktit të vitit 2001 u shndërrua në një nga figurat politike më me ndikim në vend. Ahmeti pretendon se marrëdhëniet ndëretnike janë përkeqësuar gjatë dy viteve të fundit. "Sulmet ndaj përdorimit zyrtar të gjuhës shqipe, shfuqizimi i përfaqësimit të drejtë dhe adekuat, dobësimi i mekanizmave të krijuar për të parandaluar sundimin e shumicës dhe promovimi i një koncepti monoetnik të shtetit janë sinjale serioze për drejtimin në të cilin po lëviz vendi", tha ai gjatw festës kombëtare të Maqedonisë së Veriut. Sipas regjistrimit të fundit të popullsisë, shqiptarët përbëjnë atje 29,5% të popullsisë, ku përfshihen edhe 24,3% e atyre janë banorë rezidentë. Për Bujar Osmanin, zyrtar i lartë i BDI-së dhe ish-ministër i Jashtëm, ceshtja nuk është më se sa nga Marrëveshja e Ohrit është zbatuar, por nëse arritjet e saj mund të ruhen. " Pyetja është nëse do të lejojmë që brenda pak vitesh të çmontohet ajo që e ka mbajtur Maqedoninë e Veriut stabile për dy dekada e gjysmë", tha ai për DW.