Dy ditë pasi kryeministri Edi Rama kritikoi performancën e strukturave të drejtësisë, atë të Këshillit të Lartë të Prokurorisë dhe Këshillt të Lartë Gjyqësor, ka reaguar kreu i grupit parlamentar, Gazment Bardhi. Teksa Rama i cilësoi KLP-në dhe KLGJ-në si “fytyra e dështimit të reformës në drejtësi” sa I përket debatit për pagat e magjistratëve, Bardhi bën përgjegjëse qeverinë. Në një reagim të ndarë në rrjetet sociale, kreu i grupit parlamentar thotë se për herë të parë kryeministri Rama foli për dështimin e reformës në drejtëesi, por refuzoi të flaës për arsyet qe kanë sjellë atë. “Për këtë dështim ka një përgjegjës dhe ka një arsye të qartë: vullneti i Edi Ramës për të kontrolluar të gjitha pushtetet, përfshirë edhe pushtetin gjyqësor. Është evidente se shqetësimi i qytetarëve nuk është se çfarë mendon Edi Rama për organet e qeverisjes së sistemit të drejtësisë. Shqetësimi real i shqiptarëve është se drejtësia nuk po jepet në kohë. Qytetarët presin me vite për një vendim, për një të drejtë, për një përgjigje. Por Edi Rama refuzon të flasë për këtë, sepse ai nuk është shqetësuar kurrë për hallet dhe problemet reale të shqiptarëve. Për të, drejtësia nuk është një e drejtë e qytetarëve, por një instrument pushteti”. Deklarata e kryeministrit Rama për “qeverisjen e gjyqësorit” erdhi në kulmin e debatit për pagat e magjistratëve, pasi KLP e KLGJ i caktuan vetë pagat, kjo sepse Kuvendi nuk ndërhyri Brenda afatit të 31 korrikut 2026.