Ajo tregon se në përdorim ka një faqe Tik Tok dhe përdor vetëm atë. Aty ka njohur një vajzë e cila përdorte një adresë me foto dhe video të modeleve ruse, ku administratoren e faqes e ka këshilluar të mos përdorte imazhin e të tjerëve pasi mund të kishte probleme. Pas kësaj denoncueses E.H i janë hapur disa adresa ku në titull mbajnë emër dhe mbiemër të qytetares të shoqëruara me ofendime. Gjithashtu pak ditë më parë i kanë mbërritur dy video ku një përson me emrin E.P banues në Sarandë e ka kërcënuar me thikë në dorë për jetën e saj dhe të familjarëve të saj duke i thënë se do të pres kokën dhe do të ngul thikën në fyt. Me datë 20 mars 2023 37 vjeçarja tregon se dikush me emrin Denis i shoqëruar nga një vajzë tjetër i ka shkuar në shtëpi dhe e ka shantazhuar. Denoncuesja ka marrë në telefon 129-ën, por nuk ka patur asnjë reagim nga uniformat blu të qytetit të Pogradecit. Me datë 22 Mars denoncuesja është paraqitur pranë Komisariatit të Policisë Pogradec dhe punonjësit e policisë i kanë thënë se dosja do të shkojë në prokurori. Gjatë kësaj periudhe denoncueses i vijnë herë pas here sms shantazhuese ku i thonë se do ta shkatërrojnë atë dhe familjen e saj , madje kërcënimët janë edhe më të rënda ku shkruhet " koka jote do të jetë për pak ditë në liqenin e Pogradecit".