Fiks Fare ka sjell në vemendje shpesh herë rindërtimet që janë bërë në të gjithë vendin pas tërmetit të 26 nëntorit. I tillë është edhe rasti i një qytetari nga Miloti i cili ankohet për procesin e rindërtimit në pallatin e tij. Nikoll Palaj ankohe se firma që ka bërë punimet në pallatin e tij ka bërë thjeshtë disa rregullime në fasad dhe asgjë më shumë. Megjithëse duhet të bënte edhe punime në ambiente të përbashkëta, pjesën e shkallës apo edhe në soletë, ajo ka bërë vetëm fasadën. Por pas këtyre punimeve të fasadës, apartamenti ku ai banon fut ujë. Edhe në pallatet e tjera ku është investuar edhe në brendësi të ambienteve, banorët janë të pakënaqur me cillësinë e punimeve.