Rrjetet sociale fillimisht u cilësuan si një revolucion në fushën e komunikimit, por askush nuk foli për disavantazhet që ato kanë. Nëpërmjet tyre njerëzit me adresa fallco bullizojnë, ofendojnë e kërcënojnë të tjerët dhe shpesh herë dalin nga këto histori pa u 'lagur'. I tillë është dhe rasti që Fiks Fare trajtoi mbrëmjen e së mërkurës, ku një 37 vjeçare shantazhohej në Tik tok . Nën emrin e saj shantazhuesit hapnin adresa të ndryshmë me foto dhe video të 37 vjeçares dhe familjarëve të saj. Por edhe pse ka bërë kallzim në polici për çfarë i ka ndodhur, 37 vjeçarja nga Mokra e Pogradecit kërkon ndihmën e Fiks Fare, pasi policia nuk ka bërë asgjë. E. H prej muajit Janar 2023 ka një konflikt me disa persona të cilët pretendojnë se denoncuesja i ka hapur rrjete sociale denigruese. Në këmbim personat e konfliktit, denoncueses së Fiks Fare i kanë marrë disa foto dhe video nga rrjetet e saj sociale Facebook dhe Instagram dhe më pas i kanë hapur adresa të ndyshme sociale ku e ofendojnë qytetaren dhe e shantazhojnë.