Në muajin shtator të vitit 2022 emisioni Fiks Fare transmetoi rastin e familjes Likrama në Njësinë Administative Krrabë të qytetit të Tiranës, ku 3 të miturit e familjes mblidhnin manaferra për të sigururar mjetet shkollore. Lulzimja 13 vjeçe, Ornela 10 vjeçe dhe Arbri 6 vjeçar bashkë me nënën e tyre Majlindën çdo ditë dilnin në kodrinat përreth shtëpisë së tyre për të grumbulluar manaferra. Ornal vajza 10 vjeçare tregonte se dalin çdo ditë në mëngjes, më pas kthehen në shtëpi për të drekuar e pushuar pak. Më pas mund të vazhdojnë të njëjtën rutinë edhe për pjesën e mbetur të ditës. Por ajo që të bie në sy tek këta fëmijë është etja për dije. 9 muaj pas transmetimit në Fiks Balfin Group dhe Mane Fondatin i erdhën në ndihmë familjes duke i siguruar një pension mujor për të tre fëmijët me kushtin që të mos e ndërpresin shkollën deri në moshën 18 vjeçare. Zonja Majlinda Likrama dhe fëmijët e saj falenderojnë emisionin Fiks Fare, Fondacionin Mane dhe Balfin Group me në krye zotin Samir Mane për ndihmën e dhënë.