Denoncuesi Neritan Tafa tha për "Fiks Fare" se në datën datën 7 janar 2022 e ka telefonuar nipi i tij dhe i thotë se kishte bërë fjalë në një lokal në Dimal, ish Ura Vajgurore. "Shkova te ai vendi dhe nipi më tha që kam bërë fjalë. Mora një shkop golfi se thashë do më qëllonin. Shkova atje, takova palën kundërshtarë. Ishin shokët e një nipi tjetër. Palët u qetësuan. Ai personi iku dhe unë piva birrë me disa shokë dhe pronarët e lokalit" thotë denoncuesi, ndërsa tregon se në dorë kishte shkopin e golfit. Njerëzit që kishte afër e kishin pyetur se si përdorej shkopi dhe kur e kishte dimostruar shkopi kishte kapur disa hekura dhe Neritanit i mbetet në dorë vetëm gjysma e tij. Pas disa minutash kuptojnë që pjesa tjetër e shkopit ishte tëk këmba e shokut. Pasi ishte shoqëruar në spital e cdo gje ishte në rregull, në mëngjes 20 polica shfaqen në shtëpinë e Neritanit dhe e shoqërojnë. Pas 3 ditësh del për masë sigurie ku i vendosën arrest me burg 40 ditë. "Ndoshta ka mësuar se unë kam qenë në Angli dhe do kem 'thasë me lekë'. Më kanë ardhur disa sekserë dhe më kanë kërkuar para'. Unë s'kam bërë asnjë gjë dhe se i dëmtuari ka bërë deklaratë noteriale se nuk është plagosur me armë. Janë 20 dëshmitarë, të gjithë thonë s'ka pasur armë. Ka edhe kamera sigurie, filmime. Edhe aty s'ka armë! Ku e gjeti armën prokurori? Edhe oficeri që ka ndjekur hetimet ka sugjeruar që të pushohet se s'ka armë!" pohon denoncuesi.