Fiks Fare, Bashkia tenton të shembë shtëpinë e invalidit, ka konflikt me Elvis Roshin, 22 Shkurt 2023, Pjesa 2

Fiks Fare denoncoi mbrëmjen e së mërkurës tentativat e Bashkisë së Kavajës për t'i prishur shtëpinë një të sëmuri, baba i 5 fëmijëve. Në redaksinë e emisionit investigativ u ankua Abdyl Hoxha, babai i Ardian Hoxhës i sëmurë. "Ardiani është i sëmurë me dokumente zyrtare. Ka çrregullime, invalid i grupit të dytë 35 vite. Jeton vetë i pestë vetëm me KEMP" thotë i moshuari, ndërsa pohon se shtëpia e të sëmurit është ndërtuar nga shteti në vitin 1960. "U privatizua me certifikatë pronësi, me kufij të rregullt. Në vitin 2011 kjo shtëpi iu shit Ardian Hoxhës, me dokument me certifikatë pronësie, me plan vendosje. Me kufijtë përkatës. Kjo shtëpi u dëmtua nga tërmeti i 2019-ës. U klasifikua e pabanueshme. Bashkia duke parë gjendjen, e nxori nga kjo shtëpi. Dhe Bashkia e Kavajës e pajisi me leje rindërtimi" vijon i moshuari, ndërsa thotë se leja e ndërtimit kishte edhe një projekt nga një firmë e licencuar.